दहावी उत्तीर्णांना मोठी संधी...डाक विभागात थेट मुलाखतीद्वारे नियुक्ती

 विमा योजनांच्या विक्रीसाठी थेट मुलाखतीद्वारे विमा प्रतिनिधींची नियुक्ती



नगर :- टपाल जीवन विमा योजना व ग्रामीण टपाल जीवन विमा योजनेअंतर्गत विविध विमा योजनांच्या विक्रीसाठी विमा प्रतिनिधींची नेमणूक श्रीरामपूर विभागाचे डाकघर अधीक्षक यांच्यातर्फे थेट मुलाखतीद्वारे केली जाणार आहे. यासाठी पात्रतेच्या अटी पुढीलप्रमाणे आहेत.  शैक्षणिक पात्रता दहावी पास, वय मर्यादा वय 18 ते 50, कोणत्याही कंपनीचे माजी विमा सल्लागार प्रतिनिधी, अंगणवाडी कर्मचारी, महिला मंडळ कर्मचारी, माजी सैनिक, बेरोजगार/स्वयंरोजगार असणारे तरुण/तरुणी, निवृत्त शिक्षक, स्वयंसहाय्यता ग्रुप सदस्य्,  ग्रामपंचायत सदस्य किंवा वरील पात्रता असणारे इच्छुक उमेदवार मुलाखतीस पात्र आहेत. इच्छुक उमेदवारांना विमा पॉलिसी विक्रीचा अनुभव, संगणकाचे ज्ञान, स्थानिक भागाची माहिती असणे अपेक्षित आहे. निवड झालेल्या उमेदवारांना पाच हजार रुपयाची रक्कम राष्ट्रीय बचत पत्र, किसान विकास पत्रमध्ये तारण म्हणून ठेवावे लागतील. परीक्षा फी रुपये चारशे आणि परवाना फी रुपये पन्नास डाक विभागात जमा करावे लागतील. थेट विमा प्रतिनिधी म्हणून निवड झालेल्या उमेदवारांना टपाल विभागाने वेळोवेळी ठरवून दिल्याप्रमाणे कमिशन/प्रोत्साहन भत्ता दिला जाईल. इच्छुक उमेदवारांनी मुलाखतीस येताना अधीक्षक डाकघर, श्रीरामपूर विभाग, श्रीरामपूर यांचे नावे केलेल्या लेखी अर्जासोबत शैक्षणिक पात्रतेची आवश्यक कागदपत्रे, पॅन कार्ड, आधार कार्ड, शाळा सोडल्याचा दाखला, फोटो इत्यादी खालील ठिकाणी व त्यासमोर दर्शविलेल्या तारखेस उपस्थित रहावे. संगमनेर पोस्ट ऑफिस येथे सोमवार, 17 जानेवारी 2022, सकाळी दहा ते दुपारी तीन वाजेपर्यंत. कोपरगाव पोस्ट ऑफिस येथे मंगळवार, 18 जानेवारी,2022 सकाळी दहा ते दुपारी तीन वाजेपर्यंत आणि  श्रीरामपूर पोस्ट ऑफिस येथे बुधवार, 19 जानेवारी, 2022 सकाळी दहा ते दुपारी तीन वाजेपर्यत उपस्थित रहावे. सर्व संबंधितांनी याची नोंद घ्यावी असे श्रीरामपूर विभागाचे अधीक्षक डाकघर यांनी प्रसिद्धीपत्रकाद्वारे कळविले आहे.

0/Post a Comment/Comments

Previous Post Next Post