जिल्हा परिषदेच्या पशुसंवर्धन अधिकाऱ्याकडून दोन लाखांची खंडणी उकळणाऱ्या तरुणीसह तिघांना अटक

 पशुसंवर्धन अधिकाऱ्याकडून दोन लाखांची खंडणी उकळणाऱ्या तरुणीसह तिघांना अटक



पुणे- जिल्ह्यातील गुन्हेगारीचे नव नवीन प्रकार समोर येत आहेत. जिल्हा परिषदेच्या पशुसंवर्धन अधिकाऱ्याला ब्लॅकमेल करत दोन लाख रुपयांची खंडणी उकळणाऱ्या तरुणीही सहतिघांना गुन्हे शाखेच्या युनिटने रंगेहात पकडले आहे. याबाबत पशुसंवर्धन विभागातील वरिष्ठ अधिकारी डॉ. शिवाजी विधाटे (वय 56, रा. पिंपळे निलख) यांनी लष्कर पोलिसात तक्रार दिली होती. नेहा आयुब पठाण (वय 25 ,कात्रज) मेहबुब आयुब पठाण (वय 52) आणि आयुब बशीर पठाण (वय 55, दोघेही रा. अकलुज, ता. माळशिरस) यांना अटक केली आहे.



आरोपी नेहा जिल्हा परिषदेच्या पशुसंवर्धन विभागात ऑपरेटर म्हणून कार्यरत आहे. तिने विभागातील अधिकारी डॉ. शिवाजी विधाटे यांच्या विरोधात हात पकडला, अश्लिल बोलले अशी तक्रार मुख्य कार्यकारी अधिकारी यांच्याकडे केली होती. त्यानंतर तरुणीला सर्वांसमोर विधाटे यांनी विचारणा केल्यानंतर आपण खोटे तक्रार केल्याचे तिने मान्य केले होते. त्यानंतर या तरुणीने पुन्हा तक्रार असल्याचे सांगितले. त्यामुळे विधाटे यांनी या प्रकरणाची विशाखा समितीमार्फत चौकशी करण्याची मागणी केली. याचा दरम्यान विधाटे यांनाएका व्यक्तीचा फोन आला. त्या व्यक्तीने नेहा तुमच्या विरोधात पोलिसात तक्रार सांयकाळी नेहा पठाण पोलिसात तुमच्या विरोधात तक्रार करणार आहे. हे प्रकरण आपआपसातच मिटवून घ्यायचे असेल तर पाच लाख रुपये द्यावे अशी मागणी करण्यात आली. यावेळी विधाटे यांनी नेमके किती पैसे हवेत अशी विचारणा केली. तीन लाखात हे प्रकरण मिटवून टाकू अशी बतावणी केली. शेवटी तडजोड करत व्यवहार दोन लाखांवर येवून फिक्स झाला. फोनवरील ही चर्चा जिल्हा परिषदेच्या मुख्य कार्यकारी अधिकारी यांच्या समोर झाली होती.

0/Post a Comment/Comments

Previous Post Next Post