इंग्रजांनी भारताला 99 वर्षांच्या भाडेतत्त्वावर स्वातंत्र्य दिले... भाजपच्या महिला नेत्याचा अजब दावा...

  इंग्रजांनी भारताला 99 वर्षांच्या भाडेतत्त्वावर स्वातंत्र्य दिले... भाजपच्या महिला नेत्याचा अजब दावा...



मुंबइः भारताला ब्रिटीशांनी 99 वर्षांच्या भाडेतत्त्वावर स्वातंत्र्य दिले आहे, हे अजब वकत्तव्य करणाऱ्या भाजपा युवा मोर्चाची प्रवक्ता रुची पाठक सोशल मीडियावर चांगलीच ट्रोल होतेय.”देशाला 99 वर्षांसाठी भाडेतत्त्वावर स्वातंत्र्य मिळालेलं आहे आणि माझ्याकडे हे सिद्ध करणारी कागदपत्रे आहेत,” असा दावा तिने एका चर्चा सत्रात केला आणि त्याचा व्हिडीओ सध्या सोशल मीडियावर व्हायरल झालाय. या व्हिडीओमुळे नेटकऱ्यांकडून तिची प्रचंड खिल्ली उडवली जात आहे.  

कॉंग्रेसवर टिका करतांना ती म्हणाली, “ब्रिटीश क्राऊनने भारताला 99 वर्षांच्या भाडेकराराने स्वातंत्र्य दिलं आहे आणि यालाही काँग्रेसच जबाबदार आहे. तुम्ही इतिहासाची पानं चाळून पाहा. जेव्हा स्वातंत्र्य आंदोलन चालू होतं आणि पंडित नेहरु व महात्मा गांधी नेतृत्व करत होते, त्यावेळी ब्रिटीशांना आपल्याला स्वातंत्र्य द्यायचं नव्हतं. त्यावेळी निवडणुका नसल्याने नेहरु आणि गांधीजींनी ब्रिटीश क्राऊनची शपथ घेतली होती. त्यामुळे आज मिळालेलं स्वातंत्र्य हे ९९ वर्षांच्या भाडेकरारावर मिळालेलं आहे. मी याचे पुरावेही तुम्हाला देऊ शकते”, असही ती पुढे म्हणाली होती.

0/Post a Comment/Comments

Previous Post Next Post