नियमबाह्य खर्च....सरपंच व ग्रामसेविकेविरोधात गुन्हा दाखल

 


नियमबाह्य खर्च....सरपंच व ग्रामसेविकेविरोधात गुन्हा दाखल



अकोले - तालुक्यातील शेणीत ग्रामपंचायतच्या तत्कालीन सरपंच सत्यभामा जाधव, तत्कालीन ग्रामसेविका अरुणा गंभिरे यांनी १ एप्रिल २०१८ ते २७ डिसेंबर २०१९ या कालावधीत ग्रामपंचायतीच्या ग्रामनिधी, १४ वा वित्त आयोग आणि पाणीपुरवठा या खात्यांमधील एकूण १ लाख ८० हजार २५८ रुपयांचा नियमबाह्य खर्च केला आहे. यात झालेल्या कामांचे मूल्यांकन व पूर्णत्वाचा दाखला न घेताच पूर्ण केलेले व्यवहार, ग्रामपंचायत घरपट्टी व इतर कर जमा केलेले असताना ते ग्रामनिधी खात्यात वर्ग न करता खर्च करणे या व इतर व्यवहारात झालेल्या नियमबाह्य खर्चाबाबत पंचायत समितीचे विस्तार अधिकारी गणपत धांडे यांनी राजूर पोलीस ठाण्यात तक्रार दाखल केली आहे. धांडे यांनी दिलेल्या तक्रारीवरून राजूर पोलीस ठाण्यात जाधव व गंभिरे यांच्याविराेधात गुन्हा दाखल करण्यात आला असून, पुढील तपास पोलीस उपनिरीक्षक नितीन खैरनार करत आहेत.

0/Post a Comment/Comments

Previous Post Next Post