स्पर्धा परीक्षेचा अभ्यास करणार्‍या प्रेयसीने केला प्रियकराचा खून...

स्पर्धा परीक्षेचा अभ्यास करणार्‍या प्रेयसीने केला प्रियकराचा खून...

 


पुणे : पुण्यात गर्लफ्रेंडनेच   आपल्या बॉयफ्रेंडची  हत्या केल्याची घटना घडली आहे. धक्कादायक म्हणजे आरोपी गर्लफ्रेंड स्पर्धा परीक्षेचा अभ्यास करत होती. रागात तिनं बॉयफ्रेंडचा गळा दाबून हत्या केली. सतत किरकोळ गोष्टीवरुन होणाऱ्या वादात तिनं रागाच्या भरात हे टोकाचं पाऊल उचललं. पुण्यातल्या भेकराईनगरमध्ये ही घटना घडली आहे. 

34 वर्षीय सोनल पुरुषोत्तम दाभाडे असं हत्या करण्यात आलेल्या तरुणाचं नाव आहे. तर रोहिणी रामदास युनाते असं आरोपी तरुणीचं नाव आहे. स्पर्धा परीक्षेची तयारी करत असताना दोघांची एकमेकांसोबत ओळख झाली. मैत्रीचं रुपांतर प्रेमात झालं. त्यानंतर दोघे तरुण- तरुणी लिव्ह इन रिलेशनशिपमध्ये राहत होते. ही घटना 29 ऑगस्टला हिंद कॉलनी येथे राहत्या घरात घडली. सुरुवातीला या प्रकरणी हडपसर पोलीस ठाण्यात आकस्मिक मृत्यूची नोंद करण्यात आली. मात्र पोलीस तपास आणि शवविच्छेनाचा अहवाल समोर आल्यानंतर तरुणीनं हत्या केली असल्याचा उलगडा झाला. बुधवारी संबंधित तरुणीविरोधात हत्येचा गुन्हा दाखल करण्याता आला असून पोलिसांनी आरोपी तरुणीला अटक केली आहे.

0/Post a Comment/Comments

Previous Post Next Post