फसवणूकीची शक्यता...‘असे’ कॉल किंवा एसएमएसला उत्तर देवू नका, सेल्युलर ऑपरेटर्सने दिला इशारा

फसवणूकीची शक्यता असल्याने ‘असे’ कॉल किंवा एसएमएसला उत्तर देवू नका,  सेल्युलर ऑपरेटर्सने  दिला इशारा 



नवी दिल्ली : मोबाईल सेवा पुरविणाऱ्या कंपन्यांनी ‘केवायसी’च्या माध्यमातून होणाऱ्या ऑनलाईन फसवणूकीपासून सावध होण्याचा इशारा दिला आहे. यासंदर्भात कंपन्यांनी ॲडव्हायजरी जारी केली आहे. सर्वप्रथम एअरटेलने फसवणूक करणाऱ्या नवीन तंत्रज्ञानाबाबत माहिती देण्यात आली होती. कंपनीचे कर्मचारी असल्याचे भासवून लोकांची वैयक्तिक माहिती गोळा करून फसवणूक करतात. आता व्होडाफोन-आयडीयानेदेखील एका ॲडवाजरी जारी केली आहे. फसवणूक करणारे ग्राहकांना कसे टार्गेट करतात, याबाबत कंपनीने माहिती दिली आहे. अज्ञात क्रमांकावरून एसएमएस आणि कॉल्स करण्यात येतात. त्यातून ग्राहकांना त्वरित केवायसी अपडेट करण्याचे सांगण्यात येते. अपडेट न केल्यास सिम ब्लॉक करण्याची धमकीही देतात. 

कॉल करणारे स्वत:ला कंपनीचे प्रतिनिधी असल्याचे सांगतात. कॉल किंवा एसएमएसवर पूर्ण केवायसी फॉर्म भरण्यास सांगतात. त्यानंतर गुगल प्ले स्टोरवरून एक क्विक सपोर्ट ॲप इन्स्टॉल करण्यास सांगतात. तेथून टीम व्ह्यूअर ॲपवर नेतात. या ॲपवरून स्कॅमर्सकडे तुमच्या फोनचे पूर्ण नियंत्रण मिळते. ते बॅंकिंग पासवर्डसह सर्व महत्त्वपूर्ण माहिती गोळा करून बॅंकेतून पैसेही चोरू शकतात. याबाबत सर्व सेल्युलर ऑपरेटर्सने इशारा दिला असून असे कॉल किंवा एसएमएस टाळण्याची सूचना देण्यात आली आहे

0/Post a Comment/Comments

Previous Post Next Post