कल्याण रोडचा पाणी प्रश्न...१५ ऑगस्टला नव्या टाकीचे लोकार्पण

 अहमदनगर महानगरपालिकेच्‍या पाणी योजना मधून नगर कल्‍याण रोड वरील शिवाजी नगर पाण्‍याची टाकी पूर्ण क्षमतेने 15 ऑगस्‍ट 2021 रोजी जलपुजन करून लोकार्पण करणार -  मा.महापौर सौ.रोहिणीताई शेंडगे

 


 

      अहमदनगर महानगरपालिका पाणी पुरवठा विभागाची आढावा बैठक मा.महापौर सौ.रोहिणीताई शेंडगे व उपमहापौर मा.श्री.गणेश भोसले यांनी घेतली. यावेळी माजी उपमहापौर मा.श्री.अनिल बोरूडे, मा.श्री.संभाजी कदम, नगरसेवक मा.श्री.शाम नळकांडे, मा.श्री.सचिन शिंदे, मा.श्री.गणेश कवडे, मा.श्री.प्रशांत गायकवाड, मा.श्री.दत्‍ता जाधव, मा.श्री.संतोष गेणाप्‍पा, उपायुक्‍त मा.श्री.यशवंत डांगे, पाणी पुरवठा विभाग प्रमुख श्री.आर.जी.सातपुते कर्मचारी उपस्थित होते.

      यावेळी मा.महापौर सौ.रोहिणीताई शेंडगे यांनी सांगितले की, शहरा जवळचा कल्‍याण रोड परिसरातील रहिवाशी लोकसंख्‍येचा मोठा भाग असून या भागामध्‍ये गोरगरिब नागरिक व नोकरवर्ग मोठया प्रमाणात राहत असून या परिसरात पिण्‍याच्‍या पाण्‍याची समस्‍या अनेक वर्षापासून आहे. पाणी पुरवठा विभागामार्फत सदर परिसरामध्‍ये पाणी अवेळी  व कमी दाबाने 10 ते  12 दिवसानंतर मिळते. नागरिकांना रात्री अपरात्री पाण्‍यासाठी जागे रहावे लागते. विशेषत: महिला वर्ग यांना खूप त्रास होतो. शिवाजी नगर पाण्‍याची टाकी बांधलेली असून सदर टाकीसाठी पाईप लाईन टाकलेली आहे. परंतु ग्रॅवीटीने टाकी भरत नसल्‍यामुळे पाणी पुरवठा सुरळीत होत नाही. सदर ठिकाणी संपवेल बांधणे कामाचे निविदा प्रक्रिया असून  ती पूर्ण झाल्‍यानंतर प्रत्‍यक्ष कामास सुरूवात होईल.  बायपास वरून पाणी पुरवठा का केला जात नाही याबाबत देखील माहिती घेतली. याचबरोबर शहरातील मध्‍यवस्‍तीतील भाग , उपनगरातील काही भागामध्‍ये कमी दाबाने पाणी पुरवठा होतो. याबाबत फिटर ,हेड व्‍हॉलमन यांनी याबाबत काय समस्‍या असतील त्‍या सोडून पूर्ण दाबाने पाणी पुरवठा होईल यादृष्टिने कार्यवाही करावी. व्‍हॉलमन यांनी देखील शहर व उपनगरातील नागरिकांना एकसारखा पाणी पुरवठा होईल यादृष्टिने काळजीपुर्वक कामकाज करावे असेही ते यावेळी म्‍हणाले.

      यावेळी उपमहापौर मा.श्री.गणेश भोसले यांनी सांगितले की, शांतीनगर, समर्थ नगर, या पाणी टाकीमधून या परिसरामध्‍ये सुध्‍दा पाणी पुरवठा लवकरच केला जाईल. पाणी पुरवठा विभागामार्फत कोठे कामे चालू आहेत, याची माहिती घेतली या योजनेच्‍या कामामुळे शहराला जास्‍तीचा पाणी पुरवठा होणार असून अनेक वर्षापासूनची नगर शहराची पाण्‍याची समस्‍या सुटण्‍यास मदत होणार आहे. अमृत पाणी पुरवठा योजनेच्‍या कामाची यावेळी माहिती घेतली.

      यावेळी नगरसेवक मा.श्री.शाम नळकांडे ,मा.श्री.सचिन शिंदे, मा.श्री.दत्‍ता जाधव, माजी उपमहापौर मा.श्री.अनिल बोरूडे यांनी शिवाजी नगर कल्‍याण रोड आदी भागातील पाण्‍याच्‍या प्रश्‍नाबाबत चर्चेमध्‍ये भाग घेतला. 

1/Post a Comment/Comments

  1. काम लवकरच मार्गी लागावे अशी अपेक्षा , कल्यण रोडवरील नागरिकांचा पाण्याचा प्रश्न सुटेल अशी अपेक्षा . धन्यवाद
    प्रा . डॉ. हनुमंत गायकवाड
    अमित नगर कल्याण रोड

    ReplyDelete

Post a Comment

Previous Post Next Post