जिल्हा परिषदेच्या कर्मचाऱ्यांना विमा संरक्षण द्या

जिल्हा परिषदेच्या कर्मचाऱ्यांना विमा संरक्षण द्या



        सध्या करोनाची दुसरी लाट आल्याने अहमदनगर जिल्ह्यात करोना रुग्णसंख्या वाढती आहे.त्यानंतर तिस-या लाटेचाही ईशारा आरोग्य तज्ज्ञांनी दिला आहे.

     करोना आटोक्यात आणण्याचे आपल्या अहमदनगर जिल्हा परिषदेचे सर्वतोपरी प्रयत्न चालू असून  अधिकारी-कर्मचारी या कामात आहोरात्र व्यस्त आहेत.सध्या संपुर्ण जिल्ह्यात प्रत्येक गावात करोना प्रतिबंधात्मक उपाययोजनेसाठी घरोघरी जाऊन नागरिकांचे सर्व्हेक्षण करण्यात येते.हे जोखमीचे काम अंगणवाडी सेविका(४६३९),मिनीअंगणवाडी सेविका(६४०),मदतनीस(४२५६),आशा वर्कर(३१८२),आशा गट प्रवर्तक(१७०),आशा तालुका समुहसंघटक(१४),ग्रामपंचायत कर्मचारी(२७७४) असे मिळून १५६७५ कर्मचारी संपुर्ण जिल्ह्यात कार्यरत आहेत.

     वर निर्देशित केलेले सर्व कर्मचारी तुटपुंज्या पगारावर कार्यरत आहेत.कमी पगार असूनही केवळ कुटुंब प्रमुख म्हणून कौटुंबिक जबाबदारी असल्याने हे सर्व कार्यरत आहेत.या सर्वांना आता करोना सर्व्हेक्षणाचे जोखमीचे काम देण्यात आले.सर्व्हेक्षण करताना करोना लागण झाल्यास साध्या औषधोपचाराचीही परिस्थिती यांची नाही.त्यामुळे लाखो रुपयांचा उपचार खर्च हे कसे पेलतील?जिल्हा परिषदेच्या इतर अधिकारी किंवा कर्मचा-यांची आणि त्यांचे कुटुंबाचीदेखील औषधोपचाराची जबाबदारी सरकार स्विकारते.किंबहूना त्यांना याबाबदचे पुर्ण संरक्षण सरकारकडून दिले जाते.भरपूर पगार असल्याने त्यांचा आणि कुटुंबाचा आरोग्य विमाही असतो.

    परंतु वरील १५६७५ कर्मचाऱ्यांना असा कोणताही आधार नाही.कमी पगारात चरितार्थच मुश्किल आहे तर करोना लागण झाल्यास ते खर्च कसा पेलणार? हा मोठा प्रश्न आहे.त्यामुळे अशा सर्व कर्मचा-यांना संबंधित ग्रामपंचायतकडून आरोग्य विम्याचे संरक्षण मिळाल्यास त्यांचेसाठी मोठा आधार निर्माण होईल.एक वर्षभराचा जरी ग्रामपंचायतने आरोग्य विमा संबंधितांचा उतरविला तरी फार खर्च येणार नाही.

     म्हणून आपण जिल्ह्यातील सर्व ग्रामपंचायतना या सर्व कर्मचाऱ्यांना विमासंरक्षण द्यावे म्हणून आदेश काढण्याची गरज आहे.आपल्या आदेशामुळे हे कर्मचारी आणि पर्यायाने त्यांचे कुटुंबियही संरक्षणात येतील.या जोखमीच्या कामात आरोग्य विमा काढून या सर्व कर्मचाऱ्यांना आरोग्य विमा संरक्षण द्यावे असा आदेश द्यावा हि नम्र विनंती.

                आपला,

  जालिंदर गंगाधर वाकचौरे

  जि.प.सदस्य,गटनेता भाजप

           अहमदनगर.

0/Post a Comment/Comments

Previous Post Next Post