नगर शहरातील लस संपली...आता ‘वेट ऍण्ड वॉच’


नगर शहरातील लस संपली...आता ‘वेट ऍण्ड वॉच’


 नगर-  शहरातील लसीकरण मोहीम दोन दिवस बंद राहणार असल्याची माहिती महापालिका आयुक्त शंकर गोरे यांनी दिली. लसींचा साठा उपलब्ध नसल्याने हा निर्णय घेण्यात आला आहे. नगर शहरात विविध कें


द्रांवर लसीकरण मोहीम हाती घेतली जात आहे. मात्र लसींचा साठा त्या प्रमाणात उपलब्ध होत नसल्याने अनेकदा या मोहिमेत अडथळा निर्माण होतो. सध्याही लस उपलब्ध नसल्याने शनिवारपर्यंत लसीकरण पूर्णतः बंद ठेवण्यात आल्याचे आयुक्त गोरे यांनी सांगितले. तसेच लसीकरण केंद्रावर टोकन सिस्टीम, नावे जाहीर करणे आदी अवलंबले तरीही अद्याप नागरिक गर्दी करण्याचे कमी करत नाहीत. या गर्दीचा फटका नागरिकांनाच बसत आहे. यातून कोरोना फैलावण्याचा धोका आहे. तसेच विनाकारण नागरिकांना हेलपाटा पडत आहे. त्यामुळे गर्दी टाळण्यासाठी आणखी उपाययोजना कराव्या लागणार आहेत. या दोन दिवसात त्याचे नियोजन केले जाईल. त्याच प्रमाणे लस ज्या प्रमाणात उपलब्ध होतील, त्यानुसार लसीकरण सोमवारपासून सुरू करायचे की कधी हे ठरविण्यात येईल. त्यानुसार नागरिकांना माहिती देण्यात येईल, असेही आयुक्त गोरे यांनी सांगितले. 

0/Post a Comment/Comments

Previous Post Next Post