मनपाने शहरातील निर्बंध १ जूनपर्यंत वाढवले, किराणा दुकाने, भाजीपाला विक्री....

 

नगर शहरातील निर्बंध १ जूनपर्यंत वाढवले... किराणा दुकाने, भाजीपाला विक्री मर्यादित वेळेत



नगर: नगर शहरात  कोरोनाचा प्रादुर्भाव कायम असून  शहरात कोरोना प्रतिबंधात्मक निर्बंध महापालिकेने १ जूनपर्यंत वाढविले आहेत. मागील १५ दिवस बंद असलेली किराणा दुकाने, भाजीपाला विक्री मर्यादित वेळेत खुली राहणार आहे. 

आयुक्त शंकर गोरे यांनी यासंदर्भात आदेश लागू केला आहे. एक जूनच्या सकाळी ७ वाजेपर्यंत हा आदेश लागू राहील, असे स्पष्ट करण्यात आले आहे.

आदेशानुसार फक्त खालील गोष्टी सुरु असतील – 

*वैद्यकीय सेवा आणि औषध दुकाने 

*अत्यावश्यक सेवेसाठी पेट्रोल पंप

*घरपोहोच गॅस वितरण सेवा

*सर्व बँका सुरू राहतील.

*दूध व दुग्धजन्य पदार्थ विक्री : सकाळी ७ ते ११

*पशुखाद्य विक्री : सकाळी ७ ते ११ सुरु राहील.

*कृषी विषयक दुकाने (विक्री दुकाने), कृषी सेवा केंद्रे : सकाळी ९ ते दुपारी ४ वाजेपर्यंत आणि पुरवठा वाहतूक सकाळी ११ ते दुपारी १सुरु राहील.

*कोरोना विषाणू नियमाचे उल्लघंन केल्यास प्रथम पाच हजार रुपये दंड आकारला जाईल. दुस-यावेळेस पाच रुपये दंड आकारुन दुकान सील केले जाईल.


*किराणा दुकाने : सकाळी ७ ते ११ वाजेपर्यंत सुरु राहील. पुरवठा वाहतूक सकाळी ११.०० ते दुपारी १.०० सुरु राहतील.

कोरोना विषाणू नियमाचे उल्लघंन केल्यास प्रथम १० हजार रुपये दंड अकारला जाईल. दुस-यावेळेस १० हजार रुपये दंड आकारुन दुकान सील केले जाईल.


भाजीपाला व फळे बाजार मालाची खरेदी-विक्री : सकाळी ७ ते ११ वाजेपर्यंत सुरु राहील. 


अंडी, मटन, चिकन व मत्स्य खरेदी-विक्री : सकाळी ७ ते ११ वाजेपर्यंत सुरु राहील. ‌ 

0/Post a Comment/Comments

Previous Post Next Post