लाच प्रकरणात महिला तलाठी 'एसीबी'च्या जाळ्यात

 लाच प्रकरणात महिला तलाठी एसीबीच्या जाळ्यात

नगर : तक्रारदार यांनी त्यांचे खडकेवाके हद्दीतील वडिलांचे व चुलत्यांचे  नावे असलेल्या शेतजमीनीचे वाटणी पत्र व हक्क सोड पत्रा आधारे नोंदी घेऊन फेरफार देणे करिता ६ हजारांची लाच स्वीकारताना महिला तलाठी एसीबीच्या जाळ्यात अडकली आहे. लाचलुचपत प्रतिबंधक विभागाच्या नगरमधील पथकाने ही कारवाई केली. याप्रकरणी आरोपी स्वाती गौतम मेश्राम, (वय  ३७ वर्ष, धंदा - नौकरी,    तलाठी, सजा केलवड,वर्ग ३,  ता. राहता, जि. अहमदनगर.  रा.  स्वामी रेसीडेन्सी, बस स्टॅण्ड पाठीमागे, राहाता, ता. राहाता, जि. अहमदनगर) विरोधात गुन्हा दाखल करण्यात आला आहे.

तक्रारदार यांनी त्यांचे खडकेवाके हद्दीतील वडिलांचे व चुलत्यांचे  नावे असलेल्या शेतजमीनीचे वाटणी पत्र व हक्क सोड पत्रा आधारे नोंदी घेऊन फेरफार देणे करिता यातील आरोपी लोकसेविका यांनी तक्रारदार यांचे कडे ₹ ७०००/- ची मागणी केली. तक्रारदार यांना आरोपी लोकसेविका यांना लाच देण्याची इच्छा नसल्याने, त्यांनीं  दिलेल्या तक्रारीवरून केलेल्या लाच मागणी पडताळणी मध्ये आरोपीने पंचासमक्ष ₹ ७०००/- ची मागणी करुन तडजोडीअंती ₹ ६०००/- लाचेची  मागणी केली. सदरची रक्कम आज दि  ०९/०२/२०२१ रोजी आयोजित लाचेचा सापळा कारवाई दरम्यान तक्रारदार यांचे कडुन पंचा समक्ष, केलवड तलाठी कार्यालय, ता. राहता येथे स्विकारली असता त्यांना रंगेहाथ पकडले आहे.

▶️ *सापळा अधिकारी*:- श्याम पवरे, पोलीस निरीक्षक ला.प्र. वि. अहमदनगर

 ▶️  *पर्यवेक्षण अधिकारी** हरीष खेडकर, पोलीस उप अधीक्षक, ला.प्र.वि, अहमदनगर

▶सापळा पथक:- पो हवा तन्वीर शेख,  पो ना प्रशांत जाधव. पो ना.चौधरी, विजय गंगुल, पो शि रविंद्र निमसे, वैभव पांढरे,  चालक पो ह. हरुन शेख. 

▶ **मार्गदर्शक* -*मा.श्री सुनील कडासने सो, पोलीस अधीक्षक, ला.प्र.वि, नाशिक परिक्षेत्र, नाशिक

▶मा.श्री निलेश सोनवणे सो, अपर पोलीस अधीक्षक, ला.प्र.वि नाशिक.

▶ *आरोपीचे सक्षम अधिकारी:* मा. जिल्हाधिकारी , अहमदनगर .

Edited by- sachin kalamdane