बायपास रोडचे अर्धवट काम पूर्ण करावे अन्यथा रास्तारोको

वाळूंजजवळील बायपास रोडचे अर्धवट काम पूर्ण करावे अन्यथा रास्ता रोको

बाजार समिती उपसभापती संतोष म्हस्के यांचा इशारा



नगर :- अर्धवट अवस्थेतील वाळूंज शिवारातील बायपास रोडचे काम आठ दिवसाच्या आत त्वरीत मार्गी लावावे अन्यथानगर सोलापूर महामार्गावर रस्ता रोको आंदोलन करण्यात येईल असे बाजार समितीचे उपसभापती संतोष म्हस्के यांनी सांगीतले. याबाबतचे निवेदन जिल्हाधिकारी कार्यालयात दिले आहे .

    शहरातील वाहतूक कोंडीची समस्या दूर करण्याच्या उददेशाने  बाहयवळण रस्ता करण्यात आता. वाळूंज सोलापूर ते केडगांव पुणे रस्त्यापर्यंत राज्य सरकारने सुमारे 3९ किलो मिटर रस्त्यावर सुमारे तीस कोटी रुपये खर्च करुन बाहयवळण रस्त्याच्या कामास डिसेंबर २००४ मध्ये प्रशासकीय मंजूरी दिली होती.

 बाहयवळण रस्त्याच्या डागडुजीसाठी कोटयावधी रुपयांचे काम एका खाजगी एजन्सीला दिलेले होते. परंतू सदर एजन्सीने वेळकाढूपणा करुन  काम पुर्ण न करता वाळूंज शिवारातील एक किलोमिटरचा रस्ता अपूर्ण ठेवला आहे. त्यामुळे रोड लगत असलेल्या शेतातील पिके, हॉटेल व्यवसायीक हे अपूर्ण कामामुळे व खराब रोडवरील वाहतूकीच्या धुळीमुळे हैरान झालेले आहेत. शेतातील शेतमाल, भाजीपाला पिके यांचे नुकसान होत आहे. येत्या आठ दिवसांत सदर एक किमी रस्त्यांचे काम पुर्ण न झाल्यास परीसरातील सर्व ग्रामस्थांच्या वतीने ८ फेब्रुवारी  रोजी नगर सोलापूर महामार्गावर सकाळी नऊ वाजता रस्ता रोको आंदोलन करण्यांचा इशारा दिला आहे . यावेळी बाजार समिती उपसभापती .संतोष म्हस्के, बाळासाहेब दरेकर,महादेव शेळमकर,.सुखदेव  दरेकर,मकरंद हिंगे, अमोल गायकवाड,अनिल मोरे,.रमेश दरेकर, रोहिदास पाडळे यावेळी उपस्थित होते .


0/Post a Comment/Comments

Previous Post Next Post