जिल्हा वाचनालयात ‘वाचन प्रेरणा दिन’ साजरा
वाचन संस्कृती आदर्श जीवनास प्रेरणादायी
- अजित रेखे
नगर - स्पर्धेच्या व माहिती तंत्रज्ञानाच्या ऑनलाईन युगातही मानवी जीवनात पुस्तकांचे महत्व अमुल्य आहे. मानवी मनाच्या, संस्काराचा, कल्पनाशक्तीचा विकास करणार्या वाचन संस्कृतीमुळे आदर्श जीवनात प्रेरणा मिळेल असा विश्वास वाचनालयाचे उपाध्यक्ष अजित रेखी यांनी व्यक्त केला.
अहमदनगर जिल्हा वाचनालयात माजी राष्ट्रपती डॉ.एपीजे अब्दुल कलाम जयंतीदिनी ‘वाचन प्रेरणा दिन’ प्रसंगी ते बोलत होते. यावेळी संचालक किरण आगरवाल, अनिल लोखंडे, ग्रंथपाल अमोल इथापे, नितीन भारताल व वाचक उपस्थित होते.
याप्रसंगी लाकडाऊननंतर वाचनालय सुरु झाल्यानंतर उपस्थित वाचकांचे गुलाबपुष्प देऊन स्वागत करण्यात आले. अजित रेखी व मान्यवरांनी डॉ.एपीजे अब्दुल कलाम यांच्या प्रतिमेस पुष्पहार अर्पण करुन अभिवादन केले.
याप्रसंगी वाचनालयाचे पल्लवी कुक्कडवाल, वर्षा जोशी, संजय गाडेकर, विठ्ठल शहापुरकर, कल्पना घबाडे, संकेत पाठक व वाचक सभासद उपस्थित होते.
Post a Comment